關島 ABC 俱樂部(Alupang Beach Club) 自助玩 玩到盡攻略

嚟得關島對住個又藍又清嘅海
你唔係唔去玩水丫嘛！？
如果行程日數短又想玩下水上活動
關島ABC俱樂部（Alupang Beach Club）應該好岩大家啦！

嚟呢度一日可以玩盡水上活動


不過呢度絕絕絕大部分都係日本遊客(唔講以為去左日本...)
職員講日文叻過英文

周邊嘅指示牌又幾乎全部係日文
如果好似我咁唔識睇日文嘅話
都真係幾無癮...
所以想同大家分享返少少經驗
咁就可以盡情咁玩啦！

先講下呢度有咩玩先啦！
主要分為兩大類
(一) 海邊活動
水上電單車，獨木舟，水上三輪車，香蕉船，岸邊浮潛，游水，曬太陽

(二) 坐船出海的活動
睇海豚，浮潛，釣魚，游船河，水上拖傘

所有活動組合以package 計： Package詳情按我
可以視乎自己想玩咩行程而定
個人比較推薦5號同11號package
因為呢2個都係有得出海睇海豚和浮潛
感覺抵玩D！

喺ABC俱樂部玩的流程如下：

坐shuttle bus到ABC俱樂部-->去counter拎手帶-->確認每項活動的時間
-->放好個人物品入locker-->按指定時間參加各項水上活動
-->自助午餐任食(11:00-15:00)-->其他時間自由活動


去到俱樂部行入去左邊有條樓梯，上左去再轉左穿過souvenir shop，會見到有counter，搵職員登記拎返手帶咁就得架啦！手帶記得要戴好，工作人員要靠手帶上嘅資料識別你有參加邊幾項活動，上面會印左代號同時間，喺souvenir shop外面會有告示版寫返幾點參加咩活動。

圖片來源：http://www.vacation-guam.com/tw/wp/wp-content/uploads/2016/09/DSC_1740-680x383.jpg

要特別留意，玩水上拖傘同出海都要喺俱樂部再坐車去碼頭，要預早少少去返告示版前面集合，再行去門口坐接駁車。

以我自己為例，手帶上寫住Sk1-9:20am，對返告示版，即係話大約9:15am就要集合上車，去玩碼頭上船玩水上拖傘，玩完坐車返嚟俱樂部。遲到上唔到車就出唔到海啦...


如果package有包水上電單車同香蕉船，就要行去沙灘上面個booth同工作人員登記，佢就會安排返時間俾你玩架啦！

登記booth     圖片來源：abc guam

另外獨木舟同三輪車會泊喺岸邊，通常都會有工作人員喺附近，一樣同佢哋講你想借用，咁佢哋就會幫你準備！落水前岸上仲有一排水上運動鞋可以免費借用，咁就唔怕整親腳底啦！

這裡會提供儲物櫃給客人免費使用，可以把毛巾，包包，衣服等個人物品放進去，記得鎖好之後拿鎖匙，並保管好喔！

圖片來源：http://islandworld.pixnet.net/blog/post/147822811-%5B%E9%97%9C%E5%B3%B6%5D-a.b.c.%E6%B5%B7%E7%81%98%E4%BF%B1%E6%A8%82%E9%83%A8-alupang-beach-club%3C%E4%B8%96%E5%AE%87%3E

如果要坐船出海睇海豚、浮潛，有需要嘅朋友記得食定暈船藥，因為出海都成2個鐘左右架。至於帶咩出海，上次我帶了7樣野上船，快乾毛巾、手機、手機防水袋、少量金錢、GoPro、防曬乳、太陽眼鏡。因為手機防水袋比較大，可以放埋錢同防曬入去，其他野都係戴住同夾上身。

當然都可以帶個比較防水嘅袋仔(唔好太大，船上都無乜位擺野...)，裝起晒所有野，再帶上船都可以，一隻船會有2-30個人，個人財物看自己睇實啦。船上會有供應浮潛用品和水，所以都唔駛帶咁多野。

玩到咁上下，梗係會肚餓，呢度由早上11點至下午3點都會供應自助餐，呢段時間內想幾點食，食幾多都可以，夾野食位置喺souvenir shop樓下一間木屋仔入面

菜式比較簡單有湯，炸雞，白飯、炒麵，沙律。
但係炸雞一定要試！好有日式唐揚炸雞嘅味道😋😋😋

圖片來源：abc guam

順帶一提，如果撞正上船出海係中午食飯時段，又怕餓親嘅話，可以用餐盒預先裝起，再帶去船或者去碼頭嘅車程上食。而我哋嘅導遊好貼心，喺上接駁車前已經預備好餐盒，so sweet!!!

萬一唔記得帶游水用品，例如，泳衣、太陽眼鏡、毛巾、防水袋、水泡、衣服、拖鞋，呢度嘅 souvenir shop 都有售賣，唔記得帶都無有怕。

同場加映：椰子刺身!!!!
除左自助餐外，喺ABC嘅用餐區旁邊見到有位叔叔喺度切椰子，先知原來有椰子賣，用左5蚊美金買一個，先係飲晒裡面嘅椰子水，再請叔叔切開個椰子，取出椰肉，加埋wasabe 同醬油就食得! 食落口真係好似魚生啊😍

其實除左自己上網訂套票之外，都可以經當地旅行社報返ABC嘅day tour，價錢差唔多，但係通常都會有埋接送服務，導遊仲好細心話叫我哋留意返幾點有啲咩玩，同埋會不時出現確保我哋有無join到啲活動，重點導遊講中文架！自然方便好多啦！

官方網站：https://www.abcguam.com/chinese/
(留意返，呢度星期六係唔開門架)


~完~


Kana's 關島遊記將會持續更新....謝謝觀看