端午Hea 行港島-紅香爐峰

目標：紅香爐峰(228米)
日期：2017.5.30

天氣：兩個字「熱」「曬」
路線：畢拉山道 > 金督馳馬徑 > 紅香爐峰 > 寶馬山
起點：畢拉山道
終點：寶馬山(小巴返銅鑼灣港鐵站)
交通：金鐘港鐵站A出口(德立街)坐24M小巴 畢拉山道落車
行程需時：約2小時內(連休息)
人數：荒山Girl 3人組
路線圖：<綠色起點、紅色終點>

又到還債時間😁  2017年話咁快又過左一半啦！上半年實在有點懶，下半年要勤力一點，行多幾次山，寫多幾篇文，發掘下香港另一種的美麗^^

端午節假期唔游龍舟水(因為我地都唔識游水...)，去左行個輕輕鬆鬆嘅山，今次就去左位於香港島的[紅香爐峰]。

本住hea爆的心，約了下午2點金鐘站等，再hea下hea下差不多3點才起行，在金鐘站A出口海富中心外面坐24M小巴去畢拉山道落車。

起點

坐了大約15分左右，心想反正在總站落車，所以都無叫落車，但原來總站在一個屋苑裡面，見到全部人下車，我們又跟著下，下車後打算行返出閘口接山路行，點知小巴司機見我們似是要去行山，又叫我們上車，把我們載到50米前的路口，還告訴我們由這裡開始上山，真的好窩心❤

剛開始的路段，看兩位的裝扮也知道今天很輕鬆啦！

剛開始的路段是車路，不算太斜，不過今日藍天白雲，加上下午時段食正太陽，都幾曬，戴返副黑超最穩陣。走了大約30分鐘後，過左右方的石礦場和爆炸品處理中心，變成小路，兩旁的樹也幫忙遮陰，曬下又唔曬下咁，加上大部分都係石屎路，都幾輕鬆。

過左處理中心，沿著這條路走包無錯

行了一會兒，左轉入小路

行左好似唔夠半個鐘，去到一個分叉路口，選中間的路上去，5分鐘就到了今次的目標，紅香爐峰😎😎😎 由落小巴到頂，只用了1小時左右。

雖然路程輕鬆，但景色卻非一般開揚，前方對正太平山頂，旁邊伴著維多利亞港，上面掛著大太陽，又看到整個九龍區，真係只可用一個字[靚]形容！紅香爐峰上面有標距柱，但最令我留意到的，是三角標距柱蓋在一個大石上，感覺總是怪怪的……但影相都呃到like下。

天氣好真係點影都好靚！（麻煩路人甲充當model😅）

我們選了標距柱旁的一塊超大石坐下來，享用帶來的橙和西蘭花(沒有打錯字是西蘭花XD)，雖然正對著太陽，但是又有風吹著，也不會覺得熱，坐著坐著真的會睡著啊！

食住橙睇香港美景 GOOD～～～～ 不過忘記左俾相機食西蘭花

咩都唔做，hea係最好的！

對面就是九龍半島 乜咁近嘅？😱

坐了大半小時，準備繼續行程，原定行到鰂魚涌下山，結果行了10分鐘，見到有位下山，大家不約而同都想下山，於是選了左邊的路，在寶馬山離開。如果走右邊的路，就可以一直行過去，港島的山路都是四通八達的，很方便！

在寶馬山離開，坐小巴去銅鑼灣，車程大約15分鐘，今日hea爆的行程就結束了。
.
.
.
.
.

同場加映[晚餐]

去了百德新街的喜喜冰室，門口在小巷入面，不易找，而餐廳內部裝潢十分懷舊，餐點價錢比一般茶餐廳高，但是份量也大，朋友點了個雜扒餐，同我share吃，也超級飽! 他們的啫喱也很好吃！

乖嘅小朋友先有啫喱食XDD

這天最大的感受除了可以享受香港美景之外，遇到的事也讓我覺得香港人其實還是處處充滿人情味呢❤❤❤

~完~