今次唔行山．走左去關島之 I ❤ Guam - 出發行程篇

杜夢灣，Guam

因為工作關係，有機會開始認識這個美麗的熱帶海島。相信很多香港人，對關島這個名稱不太熟悉，一開始我還以為是日本....但是來過一次之後，真的很喜歡這裡，雖然是在工作中度過，但還是覺得很舒服，我自己係第一次去已經愛上呢個地方啦！

今次搭HKexpress新開的關島直飛航班，係首航機嚟，威晒😎 目前香港有兩間航空公司提供香港直飛關島的服務，HKexpress和聯合航空，直航的話只需4.5小時就到了，大家都講笑話四個半鐘就可以去到美國XD (因為關島係美國屬地)

早上9：30的班機，班機時間算係不錯，另外也要提一提，美國的班機檢查比較嚴格，上機前會再check多一次行李，樽裝水，杯裝咖啡等較多液體都不能帶上機（平時100ml放透明袋的應該係無問題嘅）。

因為上機前要再檢查，所以排隊嘅時間會比平時耐少少，不過個人覺得都算幾快，排左十幾分鐘左右就上到飛機，所以都建議大家早少少去到閘口穩陣啲。

由於機程不算太耐，睇吓書食啲野，話咁快就到，今次仲有機會試下飛機餐，選了泰式金邊粉，雖然說在高空味蕾會比較遲鈍，但還是覺得味道幾好(易滿足😜)。飽肚後休息一下，看看機上雜誌，再小睡一會兒，不知不覺便看到窗外的太平洋中出現一個小島，一個被藍藍海洋包圍的小島。

泰式金邊粉 (需預先網上訂購)

因為關島比香港快兩個小時，到達關島時是當地時間約下午4點左右，關島機場不大，行左幾分鐘便到了過海關的地方，但實在太好彩啦，遇上一台大的日本班機也剛抵達關島（約300人），所以人山人海排晒長龍😱😱😱 而且等候過關的地方是不可以用手機和拍照的，只好和同行的朋友邊聊邊等。

順帶一提，大家來到關島，首先要習慣一下這裡的速度，因為關島人的生活比較休閒，步伐比較慢...大家明架啦😅 所以要俾少少耐性，都放慢腳步，好好感受下旅行帶來的慢活輕鬆吧！

關島的杜夢灣真的讓人很放鬆啊！

其實喺過關嘅時候，就會好感受到關島人嘅熱情，因為檢查證件時，俾完兩張白色嘅表格佢地之後，關員通常會問下你邊度嚟，諗住去邊度玩等等....不過見到後面條龍咁鬼長，真係唔好意思講咁多野😌

大約6點左右，終於拿好行李要步出閘口，出閘口前俾埋張紅色表格俾工作人員就大功告成啦！至於今次6日5夜嘅旅程由一間當地旅行社負責接待，充滿笑容嘅領隊和導遊早已站在閘口等候，他們都識講中文，所以溝通完全無問題，而且他們也很貼心的準備了幾個wifi蛋，岩岩就有幾位朋友需要便離開機場前往酒店了。

在關島上網有兩個選擇，租wifi egg/電話卡，因為有公事在身，所以預先在香港租蛋，check in 前到香港機場的櫃台取即可，關島機場都有得租蛋，平均$10美金一天，不過也是要預先上網預約，到當地再取蛋。

有需要打電話的朋友，想買上網電話卡的話，可以到當地的電訊公司買張電話卡。今次去左Guam Premier Outlet 的Domoco買了一張，USD25 3G五日任上網+通話，記得準備定passport登記.....仲有預返時間😅(15-20分鐘左右)

2017年6月更新：

關島機場有得買電話卡啦！20美金！
4天無限任用數據＋30分鐘國外通話＋本地無限通話

電話卡售賣位置：出境後轉右藍色櫃位（24小時營業）

本來想一次打晒全部野，不過寫寫下好似有啲長😱😱😱 驚大家消化不良，所以先分享下呢幾日嘅行程先啦！

Day 1

1600 抵達關島--->
酒店check in--->
 Dinner: Jamaica Grill--->
 JP superstore

Day 2
T. Stell Newman Visitor Center - War In The Pacific National Historical Park---> (太平洋戰爭國家公園兼遊客中心)
Fish eye marine park魚眼公園(With Lunch)--->
The Guam Museum(關島博物館)--->
Dinner: Capricciosa(墨魚面) --->
DFS T-Galleria

Day 3
Valley of the Latte(With Lunch)(南部村落)--->
Micronesia Mall--->
Tao Tao Tasi Dinner Show(晚餐舞蹈表演)

Day 4
Skydive(高空跳傘)--->
Lunch: Beachin' Shrimp--->
Tumon Sands Plaza--->
GuamPremier Outlets--->
Puntan Dos Amantes(情人崖)--->
Terraza at Dos Amantes(情人崖旁邊的酒吧)

Day 5
Alupang Beach Club  (關島 ABC 俱樂部) --->
(下午)杜夢區市中心-->1500酒店check out-->1710起飛回港


之後會再同大家分享下詳細的關島行程仲有相睇！ 大家要等我呀~~~~~~