即興遊上西高山

日期：2016.5.29

天氣：多雲潮濕
路線：山頂>盧吉道>西高山>夏力道>克頓道>中環

起點：山頂
終點：中環港鐵站
交通：15號巴士(中環 - 山頂) 上車站：中環碼頭/金鐘港鐵站C1出口右轉直行
行程需時：約2小時
人數：荒山Girl 2人組
路線圖：<粉紅線(去程)、黃線(回程)>

時隔快一年，我終於戰勝了心中的懶惰，寫返行山網誌啦~ 其實中間都行過好幾次山，不過每次行完都攰到隻狗咁，過下又一日....過下又一日，到想寫的時候，發現已經忘得一乾二淨了了(哭 T.T)，只好等我記憶突然恢復的時候再寫吧！(根本係藉口...)


講返今次行程先！最近天氣一般般，一時落雨一時有又出太陽，本來都無諗過出街，結果見到天氣咁好，出晒太陽，又有人約，就即刻飛左去港島，行一個短程的西高山。


西高山(High West)是位於香港島海拔494公尺，因為連接了太平山頂很有名的行山觀景路線盧吉道，所以有很多人都會到此一遊，不過因為上西高山還要上百幾二百級樓梯，相對來說遊人會比較少，不過西高山山頂的景色是盧吉道的360度版本(我估....因為當日好！大！霧！)，值得行那麼多梯級上去的。


這天雖然差唔多下午四點先到山頂，但是沒在怕的，由凌宵閣左邊轉入盧吉道，沿路都是平路，輕輕鬆鬆就行到，好多一家大細，情侶都在這邊走，熱鬧程度不輸市區！原因非常簡單，因為這裡可看到維港的美景，如果遇上好天氣，藍天白雲，簡直加晒分！

輕輕鬆鬆走了半小時，來到一個小公園，面向公園抬頭一看，有個山頭，這就是我們今日的目標西高山（High West)。上山頂的入口其實都幾隱蔽，要穿過公園，走到最入，左邊會有一條小樓梯，再轉右，穿過小森林，就會看到上山的路，上梯級就對啦！(PS. 失敗！太耐無行山唔記得影底...)


因為這條路線算是港島區熱門的登山路線，我們沿路都看到很多人士<跑>上去，可是我們荒山2人組體力（弱得）驚人，走了不到五十級就要休息一會，如果體力夠好，相信15分鐘就可到頂，我們也不差，用了20多分鐘(我估...)也到達了。


中途實在太攰了，於是每次無人經過的時候，馬上坐在樓梯級，往往坐下沒多久，就會見到有人從後前來，我們只好又起身讓人家經過，此時有一位中年男士從後越過我們，他見到我們就裝出一個超誇張的喘氣樣，逗得我們哈哈大笑，與他同行還有一個女仔，行得比較慢，於是男士就叫佢行快啲，好快就無左影lu...

行吓抖吓，又行吓抖吓（中途俾幾個人爬頭），終於行到去山頂嘅觀景台，可惜今日太多雲，整個山頭淹沒在雲霧中，看到觀景台上的景色位置展示圖，卻只看到一片白濛濛，只好從腦海中幻想美麗的景色，心中唱著「撥著大霧在默默覓我的去路...」。

原來後面的朋友已經擺好pose XDDDDD

其實剛到標距柱時，還發生了一段小插曲，話說最怕蛇蟲的我上次遇到蛇之後，今次又被昆蟲痴身，忽然有一隻六條腳，黑色綠紋的昆蟲痴到我左肩上，那一瞬間，直覺覺得是大蜘蛛，又不敢用手撥走，只好馬上拿下頭上的帽子撥，好不容易撥了，兩三秒它又痴在我手臂上，再撥，接著它又痴到我的頭髮上，還要撥也撥不了，此刻真是又怕又嬲！因為除帽加撥頭髮讓我「一秒變癲婆」，而且旁邊有幾位陌生人，真是樣衰到爆！！！！


後來隔了兩分鐘，它再再再再次痴左我右肩上，真的受不了,朋友終於出手，用手捉走我肩上的昆蟲，讓它飛走，看它飛走，才真的安心下來，結果看到它好像要飛回來，我馬上蹲下躲在標距柱後，怕它回來找我啊啊啊~


休息過後，本想從另外一面下山，下去前還問了兩位從另一邊上山頂的行山人，他們說另一邊約半小時就可以到薄扶林水塘，但是走到過去，發現全是超斜的碎石路，目測50度向下，加上已經下午5點多，最後還是決定走最不想走的回頭路。

結果走返去觀景台，找個地方坐了下來，切了一個蘋果食，補充完體力再上路，然後跟返原路落山，走嗰時阿叔又好搞笑同我地講一陣見，我地都好奇怪點解會咁講，因為行山係好難再撞返。


落左幾級樓梯之後，忽然後面傳來阿叔同佢友人傾計聲，嗰刻唔知點解我地好有默契咁都覺得有壓力，唔想落山都俾佢地爬頭，於是一聽到佢地傾計嘅聲音，就加快腳步落山，哈，咁都算係一種行山的樂趣（自以為XD）


行左十幾分鐘左右，就落返個公園仔，我地選揀由夏力道落山，結果就在公園同夏力道之間的路口撞到之前個阿叔，佢又好有型咁喺我地面前講「我地又見啦」，於是大家又會合左喺同一條路上行，行左無幾耐，又去左分叉路，我地揀行斜路，而阿叔又再一次同我地講，「一陣見」.....佢就落左樓梯

為左唔俾呢件事再重演，我地兩個變左頭文字D，「S」型咁快步衝落山，去到下一個樓梯同斜路嘅交接位，我地無再見到阿叔啦~ Yeah~ 

衝呀衝！！我地要快過阿叔！

帶住喜悅的心情，我地keep住落山，沿住克頓道行，就見到一塊四四方方，上面尖尖的石，段來翻查資料，才知道原來這是「維多利亞城界石」<歷史請按此>(失敗！又無影低)，於是我手多摸了一摸，朋友就就個結界石會吸走我精氣，結果第二日返工真係無晒精神(誤= =)

過了界石，很快就會見到一個大的公共廁所，在這裡洗洗毛巾，擦擦汗(因為這天很悶熱，導致二人不斷噴汗)，再走一走，便到了接近香港大學的後面，抬頭一看天空，黃昏的景色很美呀~又停低欣賞下，影下相。

黃昏真的很美！

點知........阿叔又再出現!!!!!!!哈哈哈哈哈，我地只能說，真的太有緣了，當然已經落左山，我地行去中環，就真係同阿叔講Bye Bye啦~

Yeah~ 終於打完篇行山文了^^ 多謝你認真地睇晒我打嘅文章，有緣山中見~

~完~